മാവുണ്ട

മാവുണ്ട

അരി പൊടിച്ചത് -2 നാഴി
ശര്‍ക്കര -അര കിലോ
തേങ്ങ തിരുമ്മിയത്‌ -1 എണ്ണം
ജീരകം -2 ടീസ്പൂണ്‍
ഏലക്കാപ്പൊടി -1 ടീസ്പൂണ്‍
ഉപ്പ് -പാകത്തിന്

അരിപ്പൊടി,തേങ്ങയും ഉപ്പും ചേര്‍ത്ത് നന്നായി തിരുമ്മി 2 മണിക്കൂര്‍ വെയ്ക്കുക.അതിനുശേഷം ജീരകപ്പൊടി ചേര്‍ത്ത് മാവ് വറുക്കുക.മൂക്കുമ്പോള്‍ അരിച്ചെടുക്കുക.കട്ട പൊടിച്ചെടുത്ത് മാവില്‍ ചേര്‍ക്കുക.ശര്‍ക്കര അടുപ്പത്ത് വെച്ച് കയ്യില്‍ ഒട്ടുന്ന പരുവത്തില്‍ മാവ് പൊടിയിട്ട് ഏലക്കാപ്പൊടി ചേര്‍ത്ത് ഇളക്കി വാങ്ങുക.ഈ മാവ് തള്ളി പ്പോത്തി വെച്ച് ഉരുളകളായി ഉരുട്ടി എടുക്കുക.ഇടയ്ക്ക് കുറച്ചു അവലോസുപൊടി വിതറുക.

പാലട

പാലട

1. മൈദ -500 ഗ്രാം
   
2. തേങ്ങ -1 എണ്ണം (പിഴിഞ്ഞ് പാലെടുക്കണം.)
   
3. കോഴിമുട്ട -1
   
4. ഉപ്പ് -പാകത്തിന്
   
5. നെയ്യ് -100 ഗ്രാം
   
6. പഞ്ചസാര -150 ഗ്രാം
   
7. ഏലക്ക -1 എണ്ണം (പൊടിച്ച് പഞ്ചസാരയില്‍ മിക്സ് ചെയ്യുക.)

പാകം ചെയ്യുന്ന വിധം

മൈദയില്‍ ഉപ്പും തേങ്ങാപ്പാലും വെള്ളവും ചേര്‍ത്ത് അപ്പത്തിനെന്നപോലെ കലക്കിവെയ്ക്കുക.തുടര്‍ന്ന് അപ്പച്ചട്ടിയില്‍ നെയ്യ് പുരട്ടി ഓരോ തവി മാവ് ഒഴിച്ച് ചട്ടി ചുറ്റിച്ച് മദ്ധ്യഭാഗത്തായി കുറേശ്ശെ നെയ്യും പഞ്ചസാരയും തൂകി ഓരോന്നും നാലായി കോണിച്ച് മടക്കിയെടുത്ത് ചൂടോടെ ഉപയോഗിക്കാം.

പിടി

പിടി

പച്ചരി -അര കിലോ
തേങ്ങ -1
ജീരകം -അര ടീസ്പൂണ്‍
വെളുത്തുള്ളി -1 അല്ലി

പാകം ചെയ്യുന്ന വിധം

അരി പൊടിച്ച് തിരുമ്മിയ തേങ്ങയും ചേര്‍ത്ത് ഒരുവിധം നന്നായി വറുക്കുക.വറുത്ത പൊടി ആറിയ ശേഷം
ചെറുചൂടുവെള്ളത്തില്‍ മാവ് ജീരകവും വെളുത്തുള്ളിയും നന്നായി അരച്ചത്‌ ചേര്‍ത്ത് കുഴയ്ക്കുക.ചെറിയ ഉരുളകളാക്കി ഉരുട്ടിവെയ്ക്കുക.തിളച്ചുക്കൊണ്ടിരിയ്ക്കുന്ന വെള്ളത്തിലേയ്ക്ക് ഉരുളകള്‍ പൊടിഞ്ഞുപോകാതെ
ഇടുക.ഒരു തിള കഴിയുമ്പോള്‍ വാങ്ങി വെച്ച് വെജിറ്റബിള്‍ കറിയോ ഇറച്ചിക്കറിയോ ചേര്‍ത്ത് ഉപയോഗിക്കാം.

അരിമാവുണ്ട

അരിമാവുണ്ട

പുട്ടിന്റെ പരുവത്തില്‍ വറുത്ത മാവ് -1 കപ്പ്
തേങ്ങ -1 മുറി
ജീരകം -1 സ്പൂണ്‍
ഉപ്പ് -പാകത്തിന്

ചേരുവകളെല്ലാം കൂടി ചെറു ചൂടുവെള്ളത്തില്‍ നന്നായി കുഴച്ച് ചെറിയ ഉരുളകളാക്കി ഇഡ്ഡലിത്തട്ടില്‍ ആവിയില്‍ വേവിക്കുക.കുട്ടികള്‍ക്ക് കൊടുക്കാന്‍ പത്തുപതിനഞ്ചു മിനിട്ട് കൊണ്ട് തയ്യാറാക്കാവുന്ന ഭാഷണമാണ് ഇത്.മധുരം
വേണമെന്നുള്ളവര്‍ക്ക് പഞ്ചസാര കൂട്ടി കഴിക്കാം.

മൈദ കൊണ്ടുള്ള ദോശ

മൈദ കൊണ്ടുള്ള ദോശ

മൈദ -1 കപ്പ്
മുട്ട -1
തേങ്ങ ചുരണ്ടിയത് -അര മുറി
പഞ്ചസാര -ആവശ്യത്തിന്
ഉപ്പ് -1 നുള്ള്
ഏലക്ക -2 എണ്ണം

പാകം ചെയ്യുന്ന വിധം

മൈദ മുട്ട പൊട്ടിച്ചൊഴിച്ച് നന്നായി കലക്കുക.ഉപ്പ് ആവശ്യത്തിന് ചേര്‍ക്കുക.ദോശക്കല്ല് ചൂടാകുമ്പോള്‍ എണ്ണ
പുരട്ടി മാവ് കോരിയൊഴിച്ച് പരത്തുക.തേങ്ങയും പഞ്ചസാരയും ഏലക്കയും ചേര്‍ത്ത മിശ്രിതം മാവ് വേവുമ്പോള്‍ അകത്തുവെച്ചു കുഴല്‍ രൂപത്തിലോ അടയുടെ രൂപത്തിലോ മടക്കിയെടുക്കുക.

ഓട്ടട

ഓട്ടട

ചേരുവകള്‍

1.പച്ചരി കഴുകി നേര്‍മ്മയായി പൊടിച്ച്
അധികം മൂക്കാതെ വറുത്തപൊടി -3 കപ്പ്
2.ശര്‍ക്കര ഉരുക്കി അരിച്ച് പാനിയാക്കിയത് -4 ടേബിള്‍ സ്പൂണ്‍
3.തേങ്ങ ചുരണ്ടിയത് -8 ടേബിള്‍ സ്പൂണ്‍
4.ചൂടുവെള്ളം -ആവശ്യത്തിന്
5. ഏലക്കാപ്പൊടി -മുക്കാല്‍ ടീസ്പൂണ്‍
6.ഉപ്പ് -1 നുള്ള്

പാകം ചെയ്യുന്ന വിധം

അരിപ്പൊടി ചൂടുവെള്ളം ഉപയോഗിച്ച് നന്നായി മര്‍ദ്ധിച്ച് കുഴച്ച് അയവോടെ എടുക്കണം.വാഴയില
കഴുകിത്തുടച്ച്‌ ഓരോ കഷണമാക്കി ഓരോന്നിലും ഈ മാവ് കുറേശ്ശെ ഉരുട്ടിയെടുത്ത്‌ നേര്‍മ്മയായി പരത്തുക.
ഇതില്‍ ചുരണ്ടിയ തേങ്ങയും ശര്‍ക്കരയും ഏലക്കപ്പൊടിയും ചേര്‍ത്ത് കുഴച്ച മിശ്രിതം കുറേശ്ശെ വെച്ച് ഇലയില്‍
പരത്തിയ മാവിന്റെ എല്ലാവശവും നിരത്തുക.ഇല മടക്കി ഉരുളിപോലുള്ള മണ്‍ചട്ടിയില്‍ രണ്ടോ മൂന്നോ അട നിരത്തി വെച്ച് അല്പം വെള്ളം തളിക്കുക.തീ കുറച്ചു പാകം ചെയ്യണം.ഒരു വശം വേകുമ്പോള്‍ അട മറിച്ച് ഇടണം.

അരി പത്തിരി

അരി പത്തിരി

പച്ചരി -കാല്‍ കിലോ
പുഴുക്കലരി -കാല്‍ കിലോ

ഒരു ചെമ്പില്‍ 2 ലിറ്റര്‍ വെള്ളം ഒഴിച്ച് തിളയ്ക്കുമ്പോള്‍ അടുപ്പ് അണച്ച് രണ്ടിനം അരിയും ഇതിലേയ്ക്കിട്ടു അടപ്പുകൊണ്ട് പാത്രം അടച്ചു വെയ്ക്കുക.മുക്കാല്‍ മണിക്കൂര്‍ കഴിഞ്ഞ് അരി പൊങ്ങിവരും.അപ്പോള്‍ അരി കഴുകി
ഉപ്പും ചേര്‍ത്ത് ഗ്രൈന്‍ഡറിലോ അമ്മിയിലോ കട്ടിയായി അരച്ചെടുക്കുക.ഇത് എണ്ണ പുരട്ടിയ ഇലയിലോ പ്ലാസ്റ്റിക്ക്
പേപ്പറിലോ ഒരു ചപ്പാത്തിയുടെ വലിപ്പത്തില്‍ വട്ടത്തില്‍ പരത്തി എണ്ണ പുരട്ടിയ കല്ലില്‍ ചുട്ടെടുക്കുക.നല്ലവണ്ണം
പത്തിരി പൊങ്ങിവരും.