ചുണ്ടയ്ക്ക പച്ചടി
ചേരുവകള്‍
- ചുണ്ടയ്ക്ക -1 കിലോ
- തക്കാളി -250 ഗ്രാം
- സവാള അരിഞ്ഞത് -300 ഗ്രാം
- കടുക് -1 ടീസ്പൂണ്‍
- ഉഴുന്നുപരിപ്പ് -1 ടീസ്പൂണ്‍
- ജീരകം -അര ടീസ്പൂണ്‍
- നല്ലെണ്ണ -2 ടേബിള്‍സ്പൂണ്‍
- പച്ചമുളക് അരിഞ്ഞത് -10
- വെളുത്തുള്ളി അരിഞ്ഞത്-5 അല്ലി
- കായപ്പൊടി -കാല്‍ ടീസ്പൂണ്‍
- ഉപ്പ് -പാകത്തിന്
- കറിവേപ്പില -2 കതിര്‍പ്പ്
- പുളി -ഒരു നെല്ലിക്ക വലിപ്പത്തില്‍
- കടലപ്പരിപ്പ് വേവിച്ചത് -50 ഗ്രാം
ചുണ്ടയ്ക്ക കല്ലില്‍ ചെറുതായി ചതച്ച് കഴുകി അകത്തുള്ള അരി കളഞ്ഞ് തൈരിലിട്ട് വെയ്ക്കുക.നിറം
മാറാതിരിയ്ക്കാനാണ് തൈരില്‍ ഇടുന്നത്.എണ്ണ ചൂടാകുമ്പോള്‍ കടുകിടുക.കടുക് പൊട്ടുമ്പോള്‍ ഉഴുന്നുപ്പരിപ്പും
ജീരകവും ഇട്ട് മൂപ്പിക്കുക.സവാളയും കറിവേപ്പിലയും വഴറ്റുക.അതില്‍ ചുണ്ടയ്ക്ക തൈരില്ലാതെയെടുത്തു
വെളുത്തുള്ളിയും ചേര്‍ത്ത് വെള്ളമൊഴിച്ച് തിളപ്പിക്കുക.പച്ചമുളക് അരിഞ്ഞത്,മഞ്ഞള്‍പ്പൊടി,തക്കാളി അരിഞ്ഞത്,പുളി പിഴിഞ്ഞത് ഇവ ചേര്‍ത്ത് തക്കാളി കുഴയുംവരെ ഇടയ്ക്കിടയ്ക്ക് ഇളക്കുക.ഉപ്പും കായവും
വേവിച്ച കടലപ്പരിപ്പും ചേര്‍ത്ത് ചൂടോടെ ഉപയോഗിക്കാം.
No comments:
Post a Comment