കപ്പ ബീഫ്

കപ്പ ബീഫ്

ചേരുവകള്‍

1. പച്ചക്കപ്പ -1 കിലോ
2. തേങ്ങ ചിരകിയത് -അര കിലോ
3. ചുവന്നുള്ളി -അര കപ്പ്
മഞ്ഞള്‍പ്പൊടി -പാകത്തിന്
പച്ചമുളക് -8
4. കല്ലുപ്പ് -പാകത്തിന്
5. മാട്ടിറച്ചി -1 കിലോ
6. മല്ലിപ്പൊടി -1 ടീസ്പൂണ്‍
മുളകുപൊടി -2 1/2 ടീസ്പൂണ്‍
മഞ്ഞള്‍പ്പൊടി - 1 ടീസ്പൂണ്‍
ഗരംമസാലപ്പൊടി -പാകത്തിന്
ഉപ്പ് -പാകത്തിന്
കറിവേപ്പില -4 കതിര്‍പ്പ്
7. തേങ്ങ ചിരകിയത് -അര കപ്പ്
ചുവന്നുള്ളി -കാല്‍ കപ്പ്
മല്ലിപ്പൊടി - 1 ടേബിള്‍സ്പൂണ്‍
മഞ്ഞള്‍പ്പൊടി -കാല്‍ ടീസ്പൂണ്‍
മുളകുപൊടി -2 ടീസ്പൂണ്‍

പാകം ചെയ്യുന്ന വിധം

കപ്പ ചെറുതായി കൊത്തിയരിഞ്ഞു നിറയെ വെള്ളമൊഴിച്ച് തിളപ്പിക്കുക.വെന്തു കഴിയുമ്പോള്‍ പാകത്തിന്
കല്ലുപ്പ് ചേര്‍ത്ത് തിളപ്പിച്ചശേഷം ഊറ്റിവെയ്ക്കുക.രണ്ടും മൂന്നും ചേരുവകള്‍ അരച്ചെടുക്കുക.ഈ അരപ്പ്
വേവിച്ച കപ്പയുമായി ചെറു തീയില്‍ വെച്ചു ചേര്‍ത്തിളക്കുക.ഇറച്ചി ചെറിയ കഷണങ്ങള്‍ ആക്കി വെയ്ക്കുക.
ആറാമത്തെ ചേരുവകള്‍ ചേര്‍ത്ത് ഇറച്ചി വേവിക്കുക.ഏഴാമത്തെ ചേരുവകള്‍ ബ്രൌണ്‍ നിറമാകുന്നതുവരെ
വറുത്തെടുത്ത് മയത്തില്‍ അരച്ചെടുക്കുക.വറുത്ത ചേരുവകളും ഇറച്ചി വേവിച്ചതും ചെറു തീയില്‍ വെച്ചു കൂട്ടിയിളക്കുക.ഇതില്‍ കപ്പയും ചേര്‍ത്ത് യോജിപ്പിച്ച് വാങ്ങി വെയ്ക്കുക.