Saturday, November 28, 2009

ചിക്കന്‍ കാരറ്റ് തോരന്‍

ചിക്കന്‍ കാറ്റ് തോരന്‍

ചേരുവകള്‍

  1. ചെറുതായി അരിഞ്ഞ കാരറ്റ് -1 കപ്പ്
  2. എല്ലില്ലാതെ കോഴിയിറച്ചി ചെറുതായി അരിഞ്ഞത് -2 കപ്പ്
  3. ചെറുതായി അരിഞ്ഞ സവാള -1 കപ്പ്
  4. തേങ്ങ -1 മുറി
  5. പെരുംജീരകം -കാല്‍ ടീസ്പൂണ്‍
  6. വെളുത്തുള്ളി -4 അല്ലി
  7. പച്ചമുളക് -4
  8. എണ്ണ,മഞ്ഞള്‍പ്പൊടി,ഉപ്പ് -പാകത്തിന്
  9. കടുക് -അര ടീസ്പൂണ്‍
  10. കറിവേപ്പില -2 തണ്ട്
പാകം ചെയ്യുന്ന വിധം

ഒരു പാത്രത്തില്‍ 2 ടേബിള്‍ സ്പൂണ്‍ എണ്ണ ഒഴിച്ച് കടുക് പൊട്ടിക്കുക.കറിവേപ്പിലയും ചേര്‍ത്ത് മൂപ്പിക്കുക.4 മുതല്‍ 7 വരെയുള്ള ചേരുവകള്‍ തോരന് ചതയ്ക്കുന്ന പോലെ ചതയ്ക്കുക.കടുക് താളിച്ചതില്‍ അരപ്പിട്ട്‌ തോര്‍ത്തുക.കാരറ്റ്,സവാള ഇവ ചേര്‍ത്ത് ൫ മിനിട്ട് വഴറ്റുക.നന്നായി വഴലുമ്പോള്‍ ഇറച്ചിയും ഇട്ട് വഴറ്റുക.ഉപ്പ്,മഞ്ഞള്‍പ്പൊടി ഇവ ചേര്‍ത്ത് ഒരു കപ്പ് വെള്ളമൊഴിച്ച് അടച്ച് ചെറുതീയില്‍ വേവിക്കുക.വെള്ളം വറ്റുമ്പോള്‍ ചിക്കി തോര്‍ത്തിയെടുക്കുക.ചോറിന്റെ കൂടെയോ ചപ്പാത്തിയുടെ കൂടെയോ
ഉപയോഗിക്കാം.

1 comment: