മുരിങ്ങയ്ക്കാ രസം
ചേരുവകള്‍
- മുരിങ്ങയ്ക്ക -4
- പുളി -50 ഗ്രാം
- മഞ്ഞള്‍പ്പൊടി -അരയ്ക്കാല്‍ ടീസ്പൂണ്‍
- കായപ്പൊടി -കായപ്പൊടി
- കുരുമുളകുപ്പൊടി -1 ടീസ്പൂണ്‍
- മല്ലി -1 ടീസ്പൂണ്‍
- വറ്റല്‍മുളക് -3
- കടലപ്പരിപ്പ് -2 ടീസ്പൂണ്‍
- ഉപ്പ് -പാകത്തിന്
- എണ്ണ -1 ടേബിള്‍സ്പൂണ്‍
- കടുക് -അര ടീസ്പൂണ്‍
- കറിവേപ്പില -1 കതിര്‍പ്പ്
- മല്ലിയില -അല്പം
- ചുവന്നുള്ളി -2
മുരിങ്ങയ്ക്കായുടെ ഉള്ളിലുള്ള കാമ്പ് ചുരണ്ടിയെടുത്ത് മഞ്ഞള്‍ പ്പൊടിയും വെള്ളവും ചേര്‍ത്ത് വേവിക്കുക.
നന്നായി വെന്ത ശേഷം പിഴിഞ്ഞ് അരിച്ചെടുക്കുക.ഇതോടൊപ്പം പുളി പിഴിഞ്ഞ് ഒഴിക്കുക.കായപ്പൊടിയും
ഇടുക.മുളക്,മല്ലി,കുരുമുളക്,കടലപ്പരിപ്പ് എന്നിവ വറുത്തരച്ചു ചേര്‍ക്കുക.ഉപ്പും ചേര്‍ത്ത് ചേരുവതിളപ്പിക്കുക.
വെട്ടി തിളക്കുമ്പോള്‍ മല്ലിയിലയിട്ട് വാങ്ങി വെയ്ക്കുക.
ചീനച്ചട്ടിയില്‍ എണ്ണ ചൂടാകുമ്പോള്‍ കടുക് പൊട്ടിക്കുക.വറ്റല്‍മുളക് രണ്ടായി മുറിച്ചതും കറിവേപ്പിലയും
ചുവന്നുള്ളി വട്ടത്തില്‍ അരിഞ്ഞതും ഇട്ട് മൂപ്പിച്ച് കറിയില്‍ ഒഴിക്കുക.
No comments:
Post a Comment