നേന്ത്രക്കായ് എരിശ്ശേരി
ചേരുവകള്‍
1.നേന്ത്രക്കായ് -3
2. തേങ്ങ -അര മുറി
ജീരകം -കാല്‍ ടീസ്പൂണ്‍
മഞ്ഞള്‍പൊടി -അര ടീസ്പൂണ്‍
കുരുമുളകുപൊടി -1 ടീസ്പൂണ്‍
3. വന്‍പയര്‍ -150 ഗ്രാം
4. വെളിച്ചെണ്ണ -2 ടേബിള്‍സ്പൂണ്‍
കടുക് -അര ടീസ്പൂണ്‍
വറ്റല്‍മുളക് - 2
കറിവേപ്പില - 1 കതിര്‍പ്പ്
5. ഉപ്പ് - പാകത്തിന്
പാകം ചെയ്യുന്ന വിധം
വന്‍പയര്‍ വെള്ളവും ഉപ്പും ചേര്‍ത്ത് വേവിക്കുക.പകുതി വേവാകുമ്പോള്‍ തൊലി കളഞ്ഞ് കഷണിച്ച്‌ നേന്ത്രക്കായും ഇട്ട് വേവിക്കുക. രണ്ടാമത്തെ ചേരുവകള്‍ അരച്ചെടുത്ത് വെന്ത കഷണങ്ങളില്‍ ഇട്ട് നന്നായി
ഉടച്ചു ചേര്‍ത്ത് തിളപ്പിക്കുക. എണ്ണ ചൂടാകുമ്പോള്‍ കടുകിടുക. കടുക് പൊട്ടുമ്പോള്‍ രണ്ടായി മുറിച്ച
വറ്റല്‍മുളകും അല്പം തേങ്ങയും കറിവേപ്പിലയും ഇട്ട് മൂപ്പിച്ച് എരിശേരിയില്‍ ഒഴിച്ച് വാങ്ങി വെയ്ക്കുക.
No comments:
Post a Comment