മട്ടണ്‍ കട് ലറ്റ്
ചേരുവകള്‍
- ആട്ടിറച്ചി (എല്ലില്ലാത്തത്) -1 കിലോ
- ഉരുളക്കിഴങ്ങ് -അര കിലോ
- പച്ചമുളക് -10
- ഇഞ്ചി -1 കഷണം
- മസാലപ്പൊടി -1 ടേബിള്‍സ്പൂണ്‍
- റൊട്ടിപ്പൊടി -ആവശ്യത്തിന്
- എണ്ണ -അര കിലോ
- ഉപ്പ് -പാകത്തിന്
- കറിവേപ്പില -ആവശ്യത്തിന്
- മുട്ട -2
ഇറച്ചി ഉപ്പ് ചേര്‍ത്ത് വേവിച്ച് മിന്‍സ് ചെയ്തെടുക്കുക.ചീനച്ചട്ടിയില്‍ കടുകിട്ട് പൊട്ടുമ്പോള്‍ പച്ചമുളക്,ഇഞ്ചി,കറിവേപ്പില ഇവ ചെറുതായി അരിഞ്ഞിട്ട്‌ വഴറ്റുക.മസാലയും ചേര്‍ത്ത് ഇളക്കി ഇറക്കി വെയ്ക്കുക.ഉരുളക്കിഴങ്ങ് പുഴുങ്ങി പൊടിച്ചതും മിന്‍സ് ചെയ്ത ഇറച്ചിയും വഴറ്റിയ സാധനങ്ങളും ഇട്ട് നന്നായി
ഇളക്കി ചെറിയ ഉരുളകളാക്കി കൈവെള്ളയില്‍ വെച്ച് പരത്തിയെടുക്കുക.ഇത് പതച്ച മുട്ടയില്‍ മുക്കി റൊട്ടി പ്പൊടിയില്‍ പൊതിഞ്ഞ് തിളപ്പിച്ച എണ്ണയില്‍ പൊരിച്ചെടുക്കണം.(ഇറച്ചി ഏത് വേണമെങ്കിലും ഉപയോഗിക്കാം.)
No comments:
Post a Comment