പീസ് പുലാവ്
ചേരുവകള്‍
- ബസ്മതി -2 കപ്പ്
- ഗ്രീന്‍പീസ് -അര കപ്പ്
- നെയ്യ് -അര കപ്പ്
- ഗ്രാമ്പു -3
- കറുവാപ്പട്ട -3 കഷണം
- ഏലക്ക -2
- ഉപ്പ് -പാകത്തിന്
- സവാള -1
- മല്ലിയില അരിഞ്ഞത് -കാല്‍ കപ്പ്
അരി കഴുകി ഊറ്റിവെയ്ക്കുക.സവാള കനം കുറച്ചരിയുക.കുഴിയുള്ള ഒരു പാത്രത്തില്‍ നെയ്യൊഴിച്ച് ചൂടാകുമ്പോള്‍ സവാള ചേര്‍ത്ത് ബ്രൌണ്‍ നിറമാകുന്നതുവരെ വഴറ്റുക.ഇതിലേയ്ക്ക് പട്ട,ഗ്രാമ്പു,ഏലക്ക എന്നിവയിട്ട് മൂപ്പിക്കുക.ഇതിന്റെ കൂടെ അരിയിട്ട് 6 മിനിട്ട് വറുക്കുക.3 കപ്പ് തിളച്ച വെള്ളവും ഉപ്പും ചേര്‍ത്ത്
അരി വേവിക്കുക.അരി വെള്ളത്തില്‍ കിടന്നു തിളച്ചു തുടങ്ങുമ്പോള്‍ തീ കുറയ്ക്കുക.പാത്രം അടച്ചു വെച്ച് അരി
വേവിക്കണം.ഇടയ്ക്ക് ഇളക്കി കൊടുക്കണം.ഏകദേശം വെന്ത് വെള്ളം വറ്റിക്കഴിയുമ്പോള്‍ ഗ്രീന്‍പീസും മല്ലിയിലയും ചേര്‍ത്തിളക്കി വാങ്ങുക.
No comments:
Post a Comment