പനീര്‍ ലോലി പോപ്പ്

പനീര്‍ ലോലി പോപ്പ്

ചേരുവകള്‍

1. കോട്ടേജ് ചീസ്‌ -200 gram
2. ഇഞ്ചി -ചെറിയ കഷണം
വെളുത്തുള്ളി -4-6 അല്ലി
മല്ലിയില -1/4
പച്ചമുളക് -2-3
സവാള -1
വെള്ള കുരുമുളകുപൊടി -അര ടീസ്പൂണ്‍
അജിനോമോട്ടോ -കാല്‍ ടീസ്പൂണ്‍
സോയസോസ് -അര ടേബിള്‍സ്പൂണ്‍
കോണ്‍സ്റ്റാച്ച് -2 1/2 ടേബിള്‍സ്പൂണ്‍
3.ഉരുളക്കിഴങ്ങ് -3
4. ഉപ്പ് -പാകത്തിന്
5. ബേബികോണ്‍ -16 കഷണം
6. എണ്ണ -വറുക്കാന്‍ ആവശ്ശ്യമായത്
7. റിഫൈനഡ് ഫ്ളോര്‍ -കാല്‍ കപ്പ്

പാകം ചെയ്യുന്ന വിധം

പനീര്‍ ചീകിയെടുത്തതിനുശേഷം നന്നായി കുഴച്ചു വയ്ക്കുക.ഇഞ്ചി,വെളുത്തുള്ളി,മല്ലിയില,പച്ചമുളക്,സവാള എന്നിവ പൊടിപൊടിയായി അരിയുക.ഉരുളക്കിഴങ്ങ് തൊലി കളഞ്ഞ് ചതച്ചെടുക്കുക.അരിഞ്ഞ ചേരുവയും വെള്ള കുരുമുളകുപൊടി,അജിനോമോട്ടോ,സോയസോസ്,കോണ്‍സ്റ്റാച്ച്,ഉടച്ച ഉരുളക്കിഴങ്ങ് ഇവ പനീറിലേയ്ക്ക് ചേര്‍ത്ത് നന്നായി ഇളക്കുക. ഈ മിശ്രിതത്തെ 16 ഭാഗമായി ഓരോ ചെറിയ ബോളുകളായി ഒരു ബേബി കോണിന്റെ വണ്ണമുള്ള ഭാഗത്ത് കുത്തിവെയ്ക്കുക. എന്നിട്ട് കൈകൊണ്ട് ബോളിനെ നന്നായി ഉറപ്പിച്ചു വെയ്ക്കുക.ഒരു വോക്കില്‍ ആവശ്യത്തിന് എണ്ണയൊഴിച്ച് ഉണ്ടാക്കി വെച്ച ലോലിമാവില്‍ മുക്കി 3 മുതല്‍ 4 മിനിട്ട് നേരത്തേയ്ക്ക് ഇടത്തരം തീയില്‍ ഗോള്‍ഡന്‍ ബ്രൌണ്‍ നിറമാകുന്നതുവരെ വറുക്കുക.എന്നിട്ട് എണ്ണ ഒപ്പിയെടുതതിനുശേഷം സ്പെഷ്യല്‍ സോസോടുകൂടി വിളമ്പുക.

കുറിപ്പ് -ബെബികോണിന്പകരം ഐസ്ക്രീമിന്റെ സ്റ്റിക്ക് ഉപയോഗിക്കാം.